Google ADS

Sulmohet tekniku i Klinikës së Radiologjisë në vendin e punës

15:01 | 28 Tetor 2020
Arbresh.info

Një punëtor i Klinikës së Radiologjisë në QKUK është sulmuar gjatë orarit të tij tw punës.

Lajmin e ka bërë të ditur ‘Oda e Infermierëve të Kosovës”, e të cilët njëherit edhe e kanë dënuar këtë akt.

“Oda e Infermierëve, Mamive dhe Profesionistëve tjerë shëndetësorë dënon ashpër sulmin ndaj teknikut të radiologjisë B.R., që ka ndodhur në vendin e tij të punës, në Klinikën e Radiologjisë në QKUK. Në këtë kohë pandemie kur infermierët po rrezikojnë shëndetin e tyre për të qenë në ndihmë të pacientëve, çfarëdo sulmi ndaj tyre është i pa pranueshëm”, thuhet në njoftimin e OIK-së.

Oda e Infermierëve, Mamive dhe Profesionistëve tjerë shëndetësorë, kërkon nga institucionet e ndjekjes që të marrin masa ndaj atyre që çojnë dorë në stafin mjekësor.

Po ashtu, OIK kërkon që të krijohet një ambient i sigurt pune për personelin shëndetësor, jo vetëm në QKUK por në gjitha institucionet shëndetësore në vend.

https://www.facebook.com/OdaeInfermierveKosoves/posts/2776366775798981

Shpërndaje në rrjete sociale

Lajmet më të lexuara

Të ngjashme

Foto lajm